Alarmojnë Reporterët pa kufij: Numër rekord i gazetarëve të burgosur në mbarë botën

18:07, 14/12/2022

Numri i gazetarëve të burgosur në botë ka arritur një rekord të ri dramatik në vitin 2022, ata janë 533, rreth 40 më shumë se vitin e kaluar, kur u vendos një nivel historik.

Shifrat janë bërë të ditura nga raporti vjetor i RSF, Reporterët pa Kufij.

Numri i gazetarëve të vrarë (57) është në rritje gjithashtu, veçanërisht për shkak të luftës në Ukrainë.

Më shumë se gjysma e gazetarëve të arrestuar në mbarë botën janë në pesë vende: Kinë (110), Burma (62), Iran (47), Vietnam (39) dhe Bjellorusi (31).

Irani është i vetmi vend që nuk ishte pjesë e kësaj liste të zezë vitin e kaluar, nënvizon OJQ-ja me bazë në Paris, e cila ka prodhuar këtë raport vjetor që nga viti 1995.

Republika Islamike në fakt ka burgosur një numër profesionistësh të medies në 20 vjet, që nga fillimi i lëvizjes protestuese që shpërtheu në shtator. Tridhjetë e katër gazetarë të rinj iu bashkuan 13 gazetarëve që ishin mbajtur në burg përpara se të fillonin protestat.

“Regjimet diktatoriale dhe autoritare po i mbushin burgjet më shpejt duke burgosur gazetarët”, denoncoi Christophe Deloire, sekretar i përgjithshëm i OJQ-së për mbrojtjen e lirisë së shtypit.

Brenda këtij vlerësimi global, RSF vëren një numër të paprecedentë gazetarësh të burgosur: ata janë 78 (krahasuar me 60 vitin e kaluar).

“Gazetaret femra përfaqësojnë tani pothuajse 15% të të burgosurve, krahasuar me më pak se 7% pesë vjet më parë”, sipas OJQ-së.

Që nga viti 1995, Reporterët pa Kufij (RSF) ka përpiluar një përmbledhje vjetore të dhunës dhe abuzimeve kundër gazetarëve bazuar në të dhënat e sakta të mbledhura nga 1 janari deri më 1 dhjetor të vitit në fjalë. Shifrat përmbledhëse të vitit 2022 përfshijnë gazetarë profesionistë, gazetarë joprofesionistë dhe punonjës të medias.

© SYRI.net

Lexo edhe:

• Zelenskyy: 'Samiti i Parë i Paqes për Ukrainën' është një frymëzim për procesin e ardhshëm të paqes
• Policia ndërhyn për të shpërndarë protestuesit pro palestinezë në Universitetin e Kalifornisë
• OKB vlerëson se rindërtimi i Gazës do të kushtojë 30 deri në 40 miliardë dollarë