Të paktën 358 fëmijë ukrainas janë vrarë nga trupat ruse që nga fillimi i pushtimit, më 24 shkurt. Kjo shifër raportohet nga zyra e Prokurorit të Përgjithshëm të Ukrainës.
“Deri më sot, më shumë se 1039 fëmijë kanë vuajtur në Ukrainë si rezultat i agresionit të armatosur rus. Sipas informacionit zyrtar të dhënë nga gjykatat për të mitur, 358 fëmijë janë vrarë dhe më shumë se 681 kanë pësuar lëndime të niveleve të ndryshme”, thuhet në raport.
Por, këto shifra nuk janë përfundimtare, pasi po punohet në zonat e luftimeve aktive, në territoret e pushtuara dhe të çliruara përkohësisht.
Më shumë viktima u regjistruan në rajonin e Donetskut 361, në rajonin e Kharkiv 194, në rajonin e Kievit 116, në rajonin e Chernihiv 68, në rajonin e Luhansk 61, në rajonin e Mykolaiv 53, në rajonin Kherson 52 dhe në rajonin Zaporizhzhia 40.
Më 20 korrik, një djalë 13-vjeçar u vra dhe një vajzë 15-vjeçare u plagos në granatimet ruse të qytetit të Kharkiv. Gjithashtu, u bë e ditur se një vajzë 16-vjeçare u plagos më 19 qershor si rezultat i granatimeve me artileri të fshatit Ivanivka, rrethi Izium, rajoni i Kharkiv.
Sipas platformës së monitorimit për mbledhjen e provave të krimeve, katër fëmijë të moshës nga 7 deri në 15 vjeç, kanë vdekur nga bombardimet e lagjeve të banimit në qytetin Mariupol, rajoni Donetsk, në periudhën nga 24 shkurti deri më 29 mars.
© SYRI.net
VOA/ Zelenskiy ripërsërit kërkesën për sisteme të mbrotjes ajrore 'Patriot'
Dy shtetas ukrainas u goditën për vdekje me thikë në Gjermani, arrestohet një rus
Vazhdojnë protestat në universitetet amerikane
Denonco
Merrni lajmet më të fundit nga SYRI.net në çdo moment dhe kudo që të jeni!
