Një iraniane 24-vjeçare, u vra gjatë festimeve për dasmën e saj. Gjatë ceremonisë, një nga të ftuarit qëlloi disa të shtëna me armë zjarri në shenjë gëzimi për martesën, por vrau nusen dhe plagosi dy të ftuar të tjerë.
Nusja e quajtur Mahvash Leghaei u godit nga një plumb në kokë dhe humbi jetën menjëherë, duke alarmuar të ftuarit e tjerë të dasmës, e cila po zhvillohej në jug të qytetit të Shirazit. Ndërhyrja e shërbimeve të urgjencës ishte e kotë për të shpëtuar të renë.
Policia e përshkoi ngjarjen si aksident pasi njeriu që hapi zjarr nuk kishte absolutisht asnjë qëllim të vriste, por duke pasur një “komandim të dobët” të armës, ai drejtoi pushkën drejt turmës së të ftuarve në vend të një zone të hapur, dhe fishekët përfunduan te nusja dhe jo në ajër.
Pas të shtënave, burri, i cili është kushëri i dhëndrit, u arratis duke mbajtur armën, por më pas është ndaluar nga policia.
Nusja ishte një punonjëse sociale dhe njihej për angazhimin e saj ndaj të varurve nga droga. Organet e saj, pas dëshirave të shprehura më parë nga e reja, janë dhuruar nga familja e saj
© SYRI.net
VOA/ Zelenskiy ripërsërit kërkesën për sisteme të mbrotjes ajrore 'Patriot'
Dy shtetas ukrainas u goditën për vdekje me thikë në Gjermani, arrestohet një rus
Vazhdojnë protestat në universitetet amerikane
Denonco
Merrni lajmet më të fundit nga SYRI.net në çdo moment dhe kudo që të jeni!
