Një anije me flamur rus që transportonte mijëra tonë drithë po mbahet dhe po hetohet nga autoritetet turke në portin Karasu të Detit të Zi me pretendimin se ngarkesa ishte e vjedhur nga Ukraina.
Zyrtarët doganorë turq vepruan pasi Kievi pretendoi se Zhibek Zholy po transportonte ilegalisht 7,000 tonë drithë nga qyteti Berdiansk i pushtuar nga Rusia, një port ukrainas në juglindje të vendit.
Zyrtarët në Karasu thanë se anija po priste jashtë portit ndërkohë që kryheshin hetime për origjinën e dërgesës.
Ministri i Jashtëm i Rusisë, Sergei Lavrov, konfirmoi se anija ishte me flamur rus, por u duk se po i turbullonte ujërat tek pretendonte se Kremlini po kërkonte të qartësohej situate, të hënën.
“Anija me të vërtetë është me flamur rus, por unë mendoj se i përket Kazakistanit dhe ngarkesa po transportohej me një kontratë midis Estonisë dhe Turqisë,” u tha Lavrov gazetarëve.
Ukraina e ka akuzuar Rusinë për vjedhjen e grurit nga territori i okupuar ukrainas për ta shitur në tregjet ndërkombëtare. Eksportet e grurit të vendit janë përgjegjëse për pothuajse 15% të totalit botëror.
Rasti i anijes Zhibek Zholy ka sjellë në fokus pretendimet për vjedhje dhe e ka vënë qeverinë turke në një pozitë delikate ndërkohë që vazhdon të kërkojë një rol ndërmjetësues midis Moskës dhe Kievit për çështjen e furnizimit global me ushqime.
Lundrimi i Zhibek Zholy ishte shpallur me krenari nga kreu i emëruar nga Moska i rajonit të pushtuar Zaporizhzhia, ku ndodhet porti i Berdiansk, si i "anijës së parë tregtare" që merrte furnizime nga portet e kontrolluara nga Rusia që nga fillimi i luftës.
Zyra e prokurorit të përgjithshëm të Ukrainës më pas i shkroi Ministrisë së Drejtësisë së Turqisë më 30 qershor, duke thenë se anija Zhibek Zholy ishte përfshirë në "eksportin e paligjshëm të grurit ukrainas" dhe se ishte drejtuar për në Karasu.
Turqisë iu kërkua "të kryejë një inspektim të kësaj anijeje detare, të sekuestrojë mostrat e grurit për ekzaminim mjeko-ligjor dhe të kërkojë informacion mbi vendndodhjen e këtij drithi".
Duke folur në televizionin kombëtar të Ukrainës të dielën, ambasadori i vendit në Turqi, Vasyl Bodnar, kishte thënë se shpresonte se drithi do të konfiskohej.
Ai tha: “Kemi bashkëpunim të plotë. Aktualisht anija ndodhet në hyrje të portit. Ajo është ndaluar nga autoritetet doganore të Turqisë.”
Megjithatë, vështirësia për të identifikuar origjinën e grurit mbetet, pasi administratat e emëruara nga Rusia në territoret e pushtuara gjithashtu pretendojnë se po punojnë në partneritet me fermerët vendas për të nxjerrë drithë në tregun global.
© SYRI.net
REL: BE-ja më lehtë do ta përballonte financiarisht integrimin e Ballkanit sesa të Ukrainës
Tre gra infektohen me HIV gjatë trajtimit në një qendër estetike në New Mexico
Aleatët e Netanyahut: Armëpushimi në Gaza është i barabartë me disfatën
Denonco
Merrni lajmet më të fundit nga SYRI.net në çdo moment dhe kudo që të jeni!
