'' Ne shpresojmë se mund t'i shpëtojmë fëmijët tanë sepse Ukraina ka nevojë për heronj të gjallë dhe mendoj se çdo person i arsyeshëm do t'i kuptojë këto fjalë."
Kështu deklaroi presidenti Volodymyr Zelensky, i cituar nga agjencia Ukrinform, duke konfirmuar fillimin e evakuimit të ushtarakëve që për 82 ditë mbrojtën fabrikën e çelikut Azovstal në Mariupol.
Ushtria ukrainase dhe inteligjenca në bashkëpunim me Kryqin e Kuq dhe OKB-në marrin pjesë në operacion, shtoi Zelensky.
Deklarata e plotë e presidentit ukrainas:
Një ditë e vështirë. Por kjo ditë, si gjithë të tjerat, synon pikërisht shpëtimin e vendit dhe popullit tonë. Lidhur me situatën në Mariupol. Falë veprimeve të ushtrisë ukrainase - Forcave të Armatosura të Ukrainës, inteligjencës, ekipit negociator, Komitetit Ndërkombëtar të Kryqit të Kuq dhe Kombeve të Bashkuara, ne shpresojmë se do të jemi në gjendje të shpëtojmë jetën e djemve tanë. Mes tyre ka edhe të plagosur rëndë, po iu ofrohet ndihma mjekësore. Dua të theksoj: Ukrainës i duhen të gjallë heronjtë ukrainas. Ky është parimi ynë. Mendoj se çdo njeri adekuat do t'i kuptojë këto fjalë.
© SYRI.net
Sulmi me armë zjarri ndaj kryeministrit sllovak, Von der Leyen: Akte të tilla s’kanë vend në shoqërinë tonë, minojnë demokracinë
Të fshehtat e Dubait, investimet milionëshe të ish-zyrtarëve ukrainas në Emirate
Tensione në Tajvan? Mbi 40 avionë dhe 6 anije rrethojnë ishullin
Denonco
Merrni lajmet më të fundit nga SYRI.net në çdo moment dhe kudo që të jeni!
