Blloku i unionit kristian-demokrat të qëndrës së djathtë të Gjermanisë shënoi një fitore të qartë të dielën në shtetin verior Schlesëig-Holstein, sipas parashikimeve gjatë natës së zgjedhjeve.
Zgjedhjet e së dielës për legjislaturën e shtetit u panë si një provë për koalicionin qeveritar të kancelarit Olaf Scholz të udhëhequr nga social-demokratët në kulmin e trajtimit të luftës në Ukrainë.
Vota e dhëna CDU-së, partisë së ish-kancelares Angela Merkel, e cila është në opozitë me qeverinë e Scholz në nivel kombëtar – qenë një fitore e fortë pas një vargu humbjesh elektorale.
Parashikimet nga televizioni ARD dhe ZDF bazuar në sondazhet dhe numërimin e hershëm të votave e nxjerrin mbështetjen për CDU në rreth 43%, shumë përpara partive të tjera.
Social-demokratët e qendrës së majtë të Scholz dukej se ranë në vendin e tretë pas të Gjelbërve, me parashikimet që tregonin se ata fituan rreth 16%, krahasuar me 17% në 18% për të Gjelbrit.
Krahasuar me pesë vjet më parë, CDU dhe të Gjelbërit të dielën patën fitime të konsiderueshme ndërsa socialdemokratët -- të cilët dolën të dytat në 2017 me 27.3% të votave -- pësuan humbje të mëdha.
© SYRI.net