Agjenti nervor i përdorur për të helmuar kritikun e Kremlinit Alexei Navalny u zbulua në një shishe uji në dhomën e tij të hotelit në qytetin siberian të Tomsk, duke sugjeruar që ai ishte helmuar atje dhe jo në aeroport siç mendohej më parë, tha ekipi i tij te enjten.
Navalny u sëmur rëndë gjatë një fluturimi me avion dhe menjëherë u bë e mundur transportimi në spital ku më vonë u mor nën kujdesin e mjekëve në Berlin, Gjermani.
Një video e postuar në llogarinë e Navalny në Instagram tregoi anëtarët e ekipit të tij duke kërkuar dhomën që ai sapo kishte lënë në hotelin Xander në Tomsk më 20 gusht, një orë pasi mësuan se ai ishte sëmur në rrethana të çuditshme.
“U vendos të mblidhej gjithçka që hipotetikisht mundet të ishte e dobishme, dhe t’ua dorëzonim mjekëve në Gjermani. Dy javë më vonë, një laborator gjerman gjeti gjurmët e Novichok pikërisht në shishen me ujë nga dhoma e hotelit Tomsk," thuhet në postim.
Britania të Mërkurën tha se ishte pothuajse e sigurt që shërbimet e inteligjencës ruse kryen sulmin ndaj Navalny, një nga kritikët më të ashpër të Presidentit Vladimir Putin dhe tha se Rusia ka një çështje për t'u përgjigjur pasi përdorimi i një arme kimike ishte i papranueshëm.
© SYRI.net
Shefja e KE-së thotë se AfD-ja po e ‘tradhton’ Gjermaninë
Britania dëbon diplomatin rus, por pse tani po veprojnë britanikët
Kush ishte 'Gëbelsi' i dinastisë Kim në Korenë e Veriut
Denonco
Merrni lajmet më të fundit nga SYRI.net në çdo moment dhe kudo që të jeni!
