Lufta për titullin kampion në Maqedoninë e Veriut, ka marrë një kthesë të papritur në javët e fundit dhe sot ka qenë një tjetër kapitull interesant i saj.
Shkëndija e Tetovës ka ruajtur kreun duke nxjerrë praktikisht nga gara për titullin skuadrën e Shkupit që drejtohet nga Ernest Gjoka.
Fitorja 2-0 e kuqezinjve në kryeqytet me golat e Cakes dhe Ademit, ka bërë që tetovarët të vazhdojnë të jenë në kryesim, duke lënë 3 pikë pas tyre Shkupin, kur mbeten edhe dy javë deri në fund të kampionatit.
Ndërkohë, pak ditë pasi ndau rrugën me Shpëtim Duron, Struga gjeti fitoren e rëndësishme 1-0 ndaj Gostivarit falë golit të Radeskit në pjesën e parë të ndeshjes, duke qëndruar në të njëjtën kuotë pikësh me Shkëndijën, me të cilën do të ndeshet në një duel direkt në javën e ardhshme.
© SYRI.net
Bëje LIKE dhe merr lajmin e fundit nga Sporti: