Trajneri i Barcelonës, Xavi Hernandez, dhe ai i Paris SG-së, Luis Enrike, kanë bërë gjithçka gati për takimin e sotëm, i vlefshëm për çerekfinalet e Champions League.
Tekniku i katalanasve do të ketë të gatshëm të gjithë lojtarët për këtë sfidë.
Përjashtimi i vetëm janë mungesat e Andreas Kristensen dhe Serxhi Robertos.
Të dy lojtarët u ndëshkuan me kartonë të verdhë në ndeshjen e vajtjes në Paris dhe janë të pezulluar për takimin e sotëm. Kujtojmë se Kristensen ishte autori i golit të fitores së Barcelonës në “Parc des Princes”.
Nga ana tjetër, Luis Enrike do të ketë një skuadër më të kompletuar për këtë takim.
Kështu ai ka gjetur Mukielen dhe Ashfar Hakimin, të cilët munguan në takimin e parë në Paris. Hakimi madje është planifikuar të jetë titullar.
Formacionet e mundshme
Barcelona (4-2-3-1): Ter Stegen; Kounde, Araujo, Cubarsí, Cancelo; Pedri, De Jong; Yamal, Gündogan, Raphinha; Lewandowski
PSG (4-3-3): Donnarumma; Hakimi, Marquinhos, Hernández, Mendes; Zaire-Emery, Vitinha, Fabián; Barcola, Mbappé, Dembélé
© SYRI.net
Bëje LIKE dhe merr lajmin e fundit nga Sporti: