Mbrojtësi i PSG-së, Ashraf Hakimi ,foli në konferencën e zakonshme për shtyp në prag të ndeshjes me Barcelonën të vlefshme për Ligën e Kampioneve.

“Kemi ardhur me shumë dëshirë, dëshirë për të ndryshuar atë që ndodhi në ndeshjen e parë. Ne kemi ardhur për të fituar dhe për t’u kthyer me fitore në Paris. Ne folëm me njëri-tjetrin, ne duam të qëndrojmë së bashku për të arritur fitoren, deklaroi Hakimi para çerekfinales së kthimit të Championsit.

Sfida e parë në Paris u mbyll 3-2 për Barcelonën, por francezët kanë ende shpresë te përmbysja.