Rafael Leao “do ta marrë në qafë” Milanin. Sulmuesi portugez do të mungojë në ndeshje të rëndësishme të kuqezinjve.

Media italiane, “La Gazzetta dello Sport”, raporton se futbollisti ofensiv i krahut do të mungojë të paktën 20 ditë.

Me këtë rast, Leao do të mungonte në ndeshjen vendimtare të Ligës së Kampionëve kundër Borussia Dortmundit, e cila do të luhet pas ndeshjeve të kombëtareve.

Leao u zëvendësua në barazimin 2-2 ndaj Lecces të shtunën dhe ekzaminimet e vërtetuan një dëmtim të shkallës së parë të kofshës së këmbës së djathtë.

Paraprakisht, Leao do t’i mungojë Milanit edhe në ndeshjen me Fiorentinën në kampionat më 25 shtator, e më pas, tri ditë më vonë kundër Dortmundit.

24-vjeçari i ka realizuar 4 gola në 16 paraqitje në të gjitha garat në këtë edicion, ndërsa i ka dhuruar edhe katër asistime deri tani.