Ka qenë një mbrëmje me tension të lartë që ka përjetuar mbrëmë Napoli, pasi policia vendase është përplasur me tifozerinë e Union Berlin në prag të ndeshjes së Champions League mes skuadrës së Garcias dhe gjermanëve.

Tifozët e Union, dy mijë prej të cilëve mbërritën në qytet, u zhvendosën së bashku në zemër të qytetit napolitan ku u zhvilluan vandalizma dhe akte të ndryshme dhune. Më pas ka pasur një përplasje me policinë dhe karabinierët që kanë tentuar t’i frenojnë.

Teatri i dhunës ishte te Corso Umberto dhe Via Medina, jo shumë larg komisariatit të policisë, ndërsa në Piazza Dante, gjermanët hodhën mjete piroteknike dhe fishekzjarrë në drejtim të policisë.

Incredibile quello che sta succedendo in questi minuti a Napoli, scontri tra i tifosi dell’Union Berlino e la polizia nel centro della città! #unionberlino #napoli pic.twitter.com/qC8mCqSJAX

— Spazio Napoli (@Spazio_Napoli) November 7, 2023

Shumë dëme pati në rrugët e qytetit italian, me dyqane të dëmtuara, kazanë të mbeturinave të djegur e të përmbysur. Gjatë kësaj përplasje kanë mbetur rreth 200 tifozë të Union Berlin të plagosur lehtë. 11 prej tifozëve miq janë arrestuar nga policia napolitane.

Nuk është kjo më e keqja në fakt, pasi policia po përpiqet të mos lejojë një kontakt mes tyre dhe tifozëve të Napolit, pasi ashtu mund të kishte pasoja të rënda.