Ruud Gullit një nga sportistët më të famshëm dhe të suksesshëm në Holandë, tani po përballet me akuza të rënda nga vetë fëmijët e tij, të cilët po i kërkojnë dëmshpërblim financiar prej 500 mijë eurosh.

Siç shkruan e përditshmja italiane “La Repubblica”, dy fëmijët e tij Quincy Georges (32) dhe Cheyenne Dil (29) po e padisin Gulllit sepse shtatë vjet më parë ai ndaloi së paguari mirëmbajtjen ndaj ish-bashkëshortes së tij, modeles italiane Cristina Pensa.

Fëmijët tani kërkojnë rreth 500 mijë euro nga Gullit dhe djali i tij Quincy nuk ka fare kontakt me babain e tij.

Ish-lojtari i Milanit është zhdukur herët nga jeta e fëmijëve të tij, me të cilët nuk flet, nuk shkruan dhe as nuk u përgjigjet urimeve të tyre për festat e fundvitit.

“Është e qartë se paratë mund të na ndihmojnë, por duhet të ketë edhe hakmarrje në nivel moral. Ai u zhduk kur isha pesë vjeç, u rishfaq kur isha 12 vjeç dhe më pas u zhduk përsëri”, kishte thënë Quincy.

Gullit, i cili për shumë vite luajti për Milanin në Itali, u shpall lojtari më i mirë në botë në vitin 1987 dhe një vit më vonë, si kapiten, udhëhoqi kombëtaren holandeze drejt titullit të kampionit të Evropës.