Braziliani Fred karrierën do ta vazhdojë në Turqi.

Sipas medieve britanike, tashmë Manchester United e ka shitur brazilian tek klubi turk, Fenerbahce.

“Djajtë e Kuq” e kanë konfirmuar marrëveshjen e arritur me klubin turk dhe se lojtari ka mbetur të krye testet mjekësore e më pas të firmos kontratën me Fenerbahce-n.

Ky transferim thuhet se ka kushtuar 15 milionë euro, përfshirë bonuset.

Fred sezonin e kaluar, shënoi dy gola dhe dy asistime në 35 ndeshje të zhvilluara në Premier League.

Ai ka zhvilluar 32 ndeshje me Kombëtaren e Brazilit.