Interi nuk arriti të triumfonte në finalen e Champions Ligës ndaj Manchester Cityt. Fati në Stamboll nuk ishte me zikaltrit e Inzagit që u mposhtën me rezultatin 1-0.
I disponueshëm për këtë duel special ishte dhe mesfushori i Kombëtares shqiptare, Kristjan Asllani, i cili nuk u preferua nga trajneri.
Pas përfundimit të kësaj aventurë me zikaltrit, Asllani tashmë do i bashkohet menjëherë Kombëtares shqiptare për dy duelet e muajit qershor ndaj Moldavisë dhe Ishujve Faroe.
Ndërkohë së fundmi nëpërmjet një postimi në faqen zyrtare, Asllani, e ka cilësuar këtë vit si të paharrueshëm, teksa falenderoi të gjithë ata që e shoqëruan në këtë udhëtim të pabesueshëm.
Statusi i Asllanit:
Një vit që më dha emocione që nuk do t’i harroj kurrë.
Faleminderit të gjithëve që na shoqëruat në këtë udhëtim të pabesueshëm.
Krenar që jam zikaltër
Faleminderit djema
© SYRI.net
Bëje LIKE dhe merr lajmin e fundit nga Sporti: