Sezoni 2022-2023 nuk u mbyll siç duhet për klubin e Tiranës. Pasi humbën kampionatin ndaj Partizanit, bardheblutë dështuan edhe në Kupën e Shqipërisë, teksa Egnatia arriti t’i rrëmbëjë trofeun.

Mirëpo, tashmë çdo gjë ka mbaruar dhe kryeqytetasit duhet të shohin nga e ardhmja. Gjatë merkatos së verës, Tiranës e sigurt është që do t’i largohen 4 lojtarë, me Visar Bekajn që do të nis një aventurë të re në Turqi si edhe Kristian Tosevski që u ka dhënë tashmë lamtumirën bardhebluve.

Tosevski pritet të transferohet tek Shkëndija e Tetovës. Nga ana tjetër edhe Behriatce dhe Florent Hasani nuk kanë rinovuar teksa pritet të shikohet cila do të jetë e ardhmja e tyre që padyshim është larg Tiranës.

Dyshimet janë edhe për 5 lojtarë të tjerë që u përfundon kontrata në fund të qershorit. Bëhet fjalë për: Albano Aleksi, Ardit Hila, Bruno Lulaj, Aldi Gjumsi dhe Berisha. Të gjithë këto rrezikojnë të largohen pasi ende nuk ka sinjale rinovimi.