Chelsea prej kohësh është në kërkim të një portieri, pasi Kepa Arrizabalaga dhe Edouard Mendy nuk bindin më në kampin e “Bluve”. Emri i fundit që përflitet në Londër është ai i spanjollit David Raya.
Gardiani i Brentfordit ka dhënë paraqitje mjaft të mira këtë sezon, me shumë klube të mëdha në Premier League që kanë shfaqur interes për të, si Tottenhami dhe Manchester United.
Por duket se Chelsea kërkon që të nisë menjëherë nga puna për të mposhtur konkurrencën me rivalët, ndërsa Raya nga ana tjetër ka refuzuar rinovimin me Brentfordin.
Ky është dhe një “nder” për gardianin e Kombëtares shqiptare, Thomas Strakosha, i cili është zëvendësuesi i Rayas.
Nëse spanjolli shitet, atëherë 28-vjeçari kuqezi mund të tregojë vlerat për të bindur trajnerin Thomas Frank për ta aktivizuar si titullar sezonin e ardhshëm.
© SYRI.net
Bëje LIKE dhe merr lajmin e fundit nga Sporti: