Futbollisti me origjinë shqiptare, Granit Xhaka pritet që gjatë merkatos së verës të largohet nga Arsenalit dhe të rikthehet në Bundesliga.

Mesfushori 30 vjeçar pritet të largohet nga Premier League i pastërt si loti, pasi para disa muajve u raportua se Xhaka është i përfshirë në një hetim në lidhje me bastet.

Në të vërtetë, u spekulua se kartoni i verdhë i Granit Xhakës në ndeshjen ndaj Leeds në dhjetor të vitit 2021, kishte të bënte me vënien e një basti.

Megjithatë, tashmë gjithçka është konfirmuar se lojtari shqiptar s’ka të bëjë me gjëra të tilla.

Pra, Xhakës i kanë mbetur edhe dy ndeshje në Premier League, para se të transferohet te skuadra e Bayer Leverkusenit.

Ende nuk dihet shifra që duhet të paguaj ekipi nga Bundesliga, por flitet se Arsenali pranon vetëm një ofertë prej 20 apo 15 milionë euro.