Gjysmëfinalja e nesërme e Champions League mes Milanit dhe Interit na rezervon një sfidë mjaft speciale, ku dy skuadrat do të provojnë të fitojnë jo vetëm për finalen e Stambollit, por edhe për lavdinë e qytetit.

Në prag të këtij takimi, trajneri i Interit, Simone Inzaghi ka folur para mediave në prag të këtij takimi, duke vlerësuar maksimalisht Milanin. Tekniku i zikaltërve shprehet se në derbi nuk ka një skuadër favorite pasi të dyja do të japin maksimumin në fushë.

“Ndeshjet e fundit, duke përfshirë edhe gjysmëfinalet dhe kualifikueset, na kanë bërë që të gjitha ndeshjet t’i përgatisim në mënyrën më të mirë të mundshme. Ne të gjithë e dimë se nuk është një derbi, por derbi. Të gjithë e dimë se sa e rëndësishme është për të gjithë ne dhe për tifozët dhe duam ta trajtojmë atë në mënyrën më të mirë. Humbja nuk do të ishte dështim, por ne e dimë rëndësinë e saj dhe e dimë se çfarë do të thotë shkuarja në finale për udhëtimin tonë.

Do të duhet të përdorim shumë kokën dhe zemrën. Sa për zemrën, nuk kam asnjë dyshim. Duhet të jemi mirë me kokën, do të ketë gracka dhe ngjarje të papritura gjatë ndeshjes, duke e ditur që luajmë në 180 minuta.

Përsëritje e Superkupës? Për sa i përket përqendrimit dhe vendosmërisë, skuadra bëri një lojë të shkëlqyer, e cila ishte një ndeshje e vetme, duhet të jemi mirë këtu për të përsëritur veten në 180”, tha mes të tjerash Inzaghi.