Silvio Berlusconi, ish-presidenti i Milanit dhe pronari aktual i Monzas në Serie A, është i shtruar në spitalin “San Raffaelo” prej disa ditësh.

Gjendja e 86-vjeçarit u rëndua së tepërmi për shkak të sëmundjes së leuçemisë, megjithatë për fat të mirë ndërhyrja e terapisë bëri që gjithçka të shkonte mirë, të paktën deri në këtë moment.

Edhe mjekët në deklaratën e tyre të fundit shprehën se për fat të mirë gjendja e Berlusconit është e qëndrueshme dhe po shkon drejt përmirësimit.

“Në 48 orët e fundit kemi vërejtur një përmirësim të vazhdueshëm i funksionalitetit të organit që po mbajmë nën vëzhgim. Terapia e aplikuar po jep rezultatet e pritshme duke na dhënë shumë shpresë”, mbyllet komunikata e mjekëve.

Ndërkohë, Berlusconi vijon të mbetet në kujdesinë intensiv të mjekëve, por duket se për fat të mirë gjendja e alarmit ka kaluar.