I rikthyer verën e kaluar te Interi, një vit pas sezonit fantastik ku fituan titullin kampion në Itali, Romelu Lukaku nuk arrin të gjejë ndjenjat e tij të dikurshme në Lombardi. Sulmuesi belg, i cili erdhi nga Chelsea në huazim, (18 ndeshje të humbura këtë sezon), është autori i vetëm tre golave në 14 ndeshje të Serisë A të luajtura këtë sezon.

I pyetur për rastin e sulmuesit të tij, Giuseppe Marotta, drejtor sportiv i klubit zikaltër, u shpreh formal për të ardhmen e tij: “Huazimi i Lukakut është caktuar për një sezon, pavarësisht performancës së tij, ai do të kthehet te Chelsea në fund të sezonit,” tha Marotta përpara se të gjykonte formën e lojtarit të tij: “Lukaku ende nuk e ka gjetur veten. Ai ende nuk është në nivelin e asaj që ne dinim për të në vitet e mëparshme”.

Ndaj, një lojtar më shumë, kthehet te Chelsea, por që nuk duhet të qëndrojë as atje. Në nevojë për të shitur në mënyrë imperative këtë verë, klubi londinez nuk do të llogarisë shërbimet e sulmuesit belg , të blerë për 113 milionë euro në verën e 2021.