Arsenal humbi me rezultatin  1-0 ndaj Everton në transfertë, në ndeshjen e vlefshme për javën e  22-të të Premier League.

Pas një fillimi pak më të kujdesshëm të lojës nga të dyja palët, ku nuk u pa asnjë mundësi reale, rrezikun e parë e pamë në minutën e 34-të, kur Doucoure goditi me kokë nga një pozicion i mirë, dhe në anën tjetër Saka pati një rast të madh për Arsenal, por një lojtar i Evertonit e devijoji topin nga porta.

Ne pamë një ndeshje të fortë nga të dyja palët në pjesën tjetër të ndeshjes dhe më pas në minutën e 60-të Evertoni kaloi në epërsi. McNeil krosoi nga këndi në shtyllën e dytë, ku Tarkowski e dërgoi topin në rrjetë me kokë.

Kur Evertoni kaloi në epërsi, me mbështetjen e tifozëve të zhurmshëm në stadiumin Goodison Park, luajti akoma më mirë dhe më agresivisht, ndaloi plotësisht Arsenalin dhe nuk i la të krijonte raste para portës së tij, të paktën jo 100 %.

Trossard pati një rast të mirë në minutën e 78-të, por Pickford shpëtoi goditjen e tij. Saka kërcënoi portën në sulmin e radhës, por gjuajtja e tij kaloi mbi portë.

Me kalimin e kohës, Evertoni ishte gjithnjë e më i fortë në mbrojtje dhe në fund të ndeshjes arriti të ruante rrjetën të paprekur dhe të arrinte një fitore të madhe me të cilën u larguan nga vendi i fundit në tabelë dhe në të njëjtën kohë doli nga zona e rënies.

Kështu, Arsenali pësoi një disfatë krejtësisht të papritur dhe nëse Manchester City mposht Tottenhamin të dielën, atëherë do të jetë dy pikë larg nga Topçinjtë.