Pas mësimit të penalizimit me -15 pikë, rrjedhimisht rënien në vend të 10-të të renditjes, skuadra e Juventusit reagoi mirë, ndërsa e mbylli me barazimin 3-3 ndeshjen e mbrëmjes së diel ndaj Atalantës.

Duke folur për mediet pas këtij takimi, trajneri Allegri, theksoi se ky dënim i bën të ndjehen sikur u kanë hequr punën e bërë.

Nuk duhet të kushtëzoheni, duke e parë psikologjikisht veten në vendin e 10-të. Duket sikur të kanë hequr atë që ke bërë. Djemtë nga ana tjetër kanë qenë shumë të mirë, po ashtu edhe stafi, vetëm duhet të vazhdojmë me shumë krenari siç po bëjmë”, deklaroi tekniku i bardhezinjve.