Historia e Premier League mund të shkruhet nëse ndeshja mes West Hamit dhe Evertonit përfundon në barazim.

Dy skuadrat po luajnë në një mënyrë katastrofike dhe pavarësisht reputacionit dhe popullaritetit mes tifozëve, Everton dhe West Ham do të kenë një luftë të ashpër për mbijetesën mes më të mirëve.

Trajnerët e ekipit David Moyes dhe Frank Lampard janë nën një presion të madh. Sipas mediave angleze, Moyes dhe Lampard iu dha një ultimatum në raundin tjetër dhe ata duhet të fitojnë, në të kundërt do të shkarkohen.

Kjo do të thotë se njëri nga dy trajnerët do të zëvendësohet në raundin e ardhshëm kur klubet nga Londra dhe Liverpool të takohen në fundjavë. Por çfarë nëse ndeshja përfundon në barazim.

If this ends in a draw, it may become the first time in Premier League history that both managers get sacked pic.twitter.com/6J9WaVCACz

— 𝙇𝙞𝙖𝙢🇧🇪 (@OfficialVizeh) January 16, 2023

Sipas njoftimeve të mediave angleze, të dy trajnerët do të shkarkohen për shkak të ultimatumit të vendosur nga drejtuesit e klubeve.

Do të ishte hera e parë në historinë e elitës së futbollit anglez që të dy trajnerët shkarkoheshin pas një ndeshjeje.

Për shkak të gjithë kësaj, në rrjetet sociale ka pasur një korrespondencë interesante dhe një tifoz ka sugjeruar që trajnerët të ndërrohen vetëm në pozitat, pra në klubet që drejtojnë.