“Punters Page” ka kryer kërkime se sa para do t'u duhen tifozëve nga vende të caktuara për të ndjekur ekipin e tyre në Kupën e Botës në Katar, e cila fillon në nëntor.

Anglezët janë më së shumti të interesuar për kombëtaren e tyre, e cila parashikohet të ketë një ecuri të gjatë në Botërorin e ardhshëm. Studimi pretendon se anglezët mund të shpenzojnë shumën prej 23,000 euro për të ndjekur kombëtaren e tyre.

Pritet një pushtim i anglezëve në Katar dhe ky vend në disa raste i ka paralajmëruar fansat për ligjet rigoroze në këtë vend, që mund t'u kushtojë disa njerëzve një dënim shumë të madh. Përveç kësaj, secilit prej tyre individualisht do t'i nevojiten rreth 23 mijë euro nëse kombëtarja e tyre kalon në finale, gjë që pritet.

Çmimet përfshijnë fluturimet, qëndrimet në hotel gjatë natës, shpenzimet mesatare ditore të tifozëve, ushqimin dhe pijet. Duke supozuar se Anglia arrin në gjysmëfinale të turneut, secili nga tifozët e tyre do të shpenzojë 19,867 £, ose 23,000 €.

Tifozët nga Brazili do të paguajnë më së shumti për këtë turne. Selecaot janë favoritët e parë të turneut dhe nëse arrijnë në finalen e Kupës së Botës, tifozët e tyre do të shpenzojnë shifrën e madhe prej 30 mijë eurosh. Është marrë parasysh situata me zgjedhjet e përgjithshme shumë të rëndësishme në vend dhe inflacioni tepër i lartë.

Më lirë do t’u shkojë tifozëve nga Australia, turneu i të cilëve në Katar do të kushtonte rreth 10,000 euro. Sidoqoftë, gjithçka varet nga rezultati.

Raportin e plotë të Faqes The Punters mund ta shihni KËTU!