Populli shqiptar  duket se është futbolldashës i madh.

Kjo të paktën bazuar në emrat e futbollistë të njohur që i kanë trashëguar të rinjtë.

Sipas verifikimit në Agjencinë e Statistikave po del që 1 mijë e 848 persona atje e kanë emrin Ronaldo.

E sigurisht që fajtorë për këtë janë fenomeni brazilian Luiz Nazzario De Lima Ronaldo dhe Cristiano Ronaldo, të cilët i kanë fituar zemrat e adhuruesve të futbollit.

Në listë nuk mungon as Lionel Messi.

336 persona e kanë trashëguar emrin e argjentinasit.

Pjesë e emrave në Shqipëri është edhe legjenda tjetër e futbollit brazilian Romario.

539 persona kanë emrin e tij.