Futbollisti holandez Georginio Wijnaldum do të largohet nga PSG dhe do të ndryshojë mesfushën pas vetëm një viti dhe aktualisht është më i afërti me skuadrën e Romës që dëshiron ta sjellë në radhët e tyre.

Gazetari, Fabrizio Romano pretendon se të dyja palët kanë arritur një marrëveshje për t'u ndarë dhe se holandezi aktualisht është në kërkim të një klubi të ri. Ekziston mundësia që ai të mbetet lojtar i PSG-së, ose të shkojë në huazim për një vit.

Mediat në Itali shkruajnë se Roma dëshiron të sjellë në radhët e saj këtë mesfushor mjaft të shkathët, por që deri më tani nuk ka pasur një ofertë zyrtare, edhe pse ka interes të dyanshëm që ky bashkëpunim të ndodhë.

Paris Saint-Germain and Gini Wijnaldum have decided to part ways this summer, confirmed. Work in progress to find new club as soon as possible, PSG are prepared to loan him out in the next days or weeks. 🚨🇳🇱 #PSG

AS Roma, really interested - but no official bid yet. pic.twitter.com/x24KfanfI1

— Fabrizio Romano (@FabrizioRomano) July 22, 2022

Wijnaldum mbërriti në PSG nga Liverpool si lojtar i lirë dhe ndonëse pritej të ishte një shtesë e shkëlqyer në skuadër, në fund nuk u tregua i tillë dhe largimi i tij nga Parisi u përmend edhe në merkaton e janarit.

Sezonin e kaluar ai luajti gjithsej 31 ndeshje në ligë për skuadrën franceze dhe shënoi vetëm një gol. Përveç Romës së lartpërmendur, edhe Arsenali shfaqi më parë interes për Wijnaldum, por Topçinjtë hoqën dorë nga ky lojtar shumë kohë më parë dhe iu drejtuan objektivave të tjerë.