"Për Robert Lewandowski, Bayern i përket të së kaluarës" . Këto janë fjalët e thëna nga Pini Zahavi, agjenti i Robert Lewandowskit, në një intervistë për Bild . Një deklaratë kumbuese që konfirmon pak më shumë vullnetin për t’u larguar të të mbrojturit të tij. Në moshën 33-vjeçare dhe i zhgënjyer nga qëndrimi i drejtuesve të tij, të cilët kishin menduar ta zëvendësonin me Erling Haaland, përpara se ky i fundit të bashkohej me Manchester Cityn, Lewandowski ka qenë i vendosur për largimin nga Bayern Munich këtë verë për të marrë drejtimin e Spanjës dhe më konkretisht, Barcelonës.

“Dua të largohem, të dyja palët duhet të gjejnë një zgjidhje” , pohoi përveç kësaj, në këtë kuptim, “Lewy”, i vendosur për të veshur fanellën e Barçës sezonin e ardhshëm. Një interes reciprok i konfirmuar pak ditë më vonë me ofertën e parë zyrtare nga klubi katalanas: 32 milionë euro, plus pesë në varësi të performancës. Megjithatë, sipas “SPORT” bavarezët nuk i ishin përgjigjur këtij propozimi të parë. Një qëndrim që nuk duket se i shqetëson blaugranët, të cilët janë të bindur se do ta shohin njeriun me 50 gola këtë sezon të zbarkojë në Katalonjë.

Një gjë është e sigurt, përtej problemit të “fair play”-it financiar, i cili gjithashtu duhet të zgjidhet nga ana e katalanasve, dosja Lewandowski mbetet vendimtare për njëfarë Joan Laporta. Pas dështimeve të Messit dhe Haaland-it, pa dyshim që një tjetër fiasko do ta gërryente atë si president...