Deklarata e fundit e presidentit Joan Laporta për Leo Messin në intervistën dhënë për 'L'Esportiu' ka krijuar mjaft polemika. Fjalët e presidentit të klubit katalan ndaj sulmuesit argjentinas, kanë zemëruar këtë të fundit dhe njerëzit rreth tij.

 “Situata e Messit ka shkuar ashtu siç ka shkuar. Të gjithë do të dëshironim që ai t’i jepte fund jetës së tij sportive këtu, por për shumë arsye nuk u bë e mundur. Nuk u bë e mundur për shkak të “fair play”-t të ligës spanjolle dhe për shkak të ofertës së PSG-së. Këta lojtarë, kur përfshihen në një dinamikë të tillë, a kanë të pamundur të tërhiqen, sepse operacione të tilla bëhen për miliona euro. Ju më pyesni për rastin e Neymarit. Nuk e di se si do ta bëjnë në Francë, sepse ndoshta kanë sisteme të tjera që ne nuk i kemi këtu, por anulimi para kohe i një kontrate të nënshkruar kushton shumë para. Është gjithashtu e vërtetë që PSG ka shtetin pas vetes.”

Siç u raportua mbrëmë nga 'El Larguero' i Cadena SER dhe u konfirmua nga SPORT, babai i Messit, Jorge, e ka telefonuar personalisht presidentin e Barcelonë, ​​ku i ka kërkuar më një ton të lartë që të ndalojë së foluri për djalin e tij.

Messi është shumë i lodhur duke qenë çdo ditë në gojën  e presidentit. Në ato pak herë që ka folur për mediat, sulmuesi argjentinas ka qenë gjithmonë shumë i respektueshëm me klubin dhe Laportan . Në një nga intervistat e tij, ai i kishte thënë presidentit se nuk i pëlqenin komentet e tij.

“Askush nuk më kërkoi të luaja falas, por në të njëjtën kohë mendoj se fjalët që tha presidenti nuk janë me  vend”, tha Messi në një intervistë për Sport.

“Më lënduan, sepse mendoj se ai nuk ka nevojë ta thotë këtë, është si të marrësh topin nga duart dhe të mos mbash përgjegjësi për pasojat.

Kjo i bën njerëzit të mendojnë ose krijon një lloj dyshimi që unë mendoj se nuk e meritoj”, deklaronte Messi.