Trajneri i Tottenhamit, Nuno Espirito Santo, shkarkohet zyrtarisht nga detyra si trajner i Tottenhamit. Vendimi u mor për shkak të rezultateve të dobëta që kulmuan me humbjen 0-3 përballë Manchester United.
Londinezët janë në një situatë delikate edhe në Ligën e Konferencës, pasi kanë vetëm 4 pikë dhe janë të tretët në grup.
Fillimi i keq i sezonit nuk kishte krijuar dyshime për punën e trajnerit, por loja e shëmtuar ndaj “Djajve të Kuq” dhe reagimi i publikut kanë bërë që situata të shpërthejë.
Sergio Conceiçao, trajneri i Portos, është ai që i pëlqen më shumë bordit për të zëvendësuar Nunon. Në listë është edhe bashkatdhetari i tij, Paulo Fonseca.
Në Angli është raportuar se drejtuesit e Tottenhamit tashmë kanë kontaktuar Antonio Conten.
Klubi anglez provoi nënshkrimin e tij verën e kaluar, por trajneri italian e refuzoi ofertën.
Conte është gjithashtu i interesuar për të marrë drejtimin e Manchester United.
© SYRI.net
Bëje LIKE dhe merr lajmin e fundit nga Sporti: