Futbollisti me origjinë shqiptare, Ezgjan Alioski po kalon një formë mjaft të mirë në kampionatin arab të futbollit, ku aktivizohet te skuadra e Al Ahli që drejtohet nga Besnik Hasi.
29 vjeçari ka gjetur sërish rrugën e rrjetës për ekipin e tij, Al Ahli në përballjen ndaj Al-Fateh, që përfundoi me rezultatin 1-1.
Goli i shqiptarit që luan për Maqedonia e Veriut, entuziazmoi edhe komentatorin arab, i cili shpërtheu në momentin kur ai tundi rrjetën.
Ky ishte goli i dytë me fanellën e Al Ahli për Alioskin. Një fakt interesant që vlen të përmendet është se skuadra e Besnik Hasit, i ka barazuar të 5-ta sfidat e zhvilluara deri tani në kampionat, teksa nuk e ka provuar ende shijen e fitores, as të humbjes.
© SYRI.net
Bëje LIKE dhe merr lajmin e fundit nga Sporti: