Si t'i urosh dikujt 'Gëzuar Ramazanin'

Muaji i shenjtë i Ramazanit është shumë afër. Gjatë këtij muaji, myslimanët në mbarë botën agjërojnë për të forcuar besimin dhe përkushtimin e tyre shpirtëror.

Gjatë kësaj kohe të shenjtë, besimtarët falen, lexojnë Kuranin dhe përpiqen të jenë më të vetëdijshëm dhe më të përqendruar në besimin e tyre.

Ardhja e Ramazanit festohet në mënyra të ndryshme nëpër botë, nga iftaret e përbashkëta, momenti i çeljes së agjërimit, deri te zbukurimet në shtëpi dhe gatimet tradicionale. Agjërimi ditor fillon pak para agimit me një vakt të lehtë që quhet "syfyr"dhe përfundon pas perëndimit të diellit me "iftar". Midis këtyre dy vakteve, ata që agjërojnë nuk hanë dhe nuk pinë as ujë.

Në vitin 2026, Ramazani pritet të fillojë të mërkurën me 18 shkurt ose të enjten me 19 shkurt. Ai nis me shfaqjen e hënës së re, e cila zakonisht duket një natë pas hënës së re astronomike.

Por si duhet ta përshëndesësh dikë që e feston këtë muaj të shenjtë? Ja çfarë duhet të dish.

Si t'i urosh dikujt "Gëzuar Ramazanin"?

Një shprehje e njohur për shumë myslimanë në mbarë botën është "Ramadan Mubarak", që do të thotë "Ramazan i bekuar". Një tjetër shprehje e përdorur shpesh është "Ramadan Kareem", që do të thotë "Ramazan bujar". Të dyja këto shprehje janë me origjinë arabe.

Këto janë mënyrat më të zakonshme me të cilat myslimanët e urojnë njëri-tjetrin në fillim të muajit të agjërimit dhe gjatë gjithë Ramazanit, mes familjarëve, miqve dhe fqinjëve.

"Ramzan" është një formë tjetër e emrit që përdoret në disa vende të botës, veçanërisht në Indi dhe Pakistan.

Nëse keni kolegë, miq ose fqinj myslimanë, mënyra më e thjeshtë për t'u uruar atyre "Gëzuar Ramazanin" është duke thënë "Ramadan Mubarak" ose "Ramadan Kareem".

Agjërim të lehtë dhe Ramadan Mubarak për myslimanët në mbarë botën!

Pse e festojnë myslimanët Ramazanin?

Ramazani është muaji i nëntë në kalendarin islam dhe ndryshon çdo vit sipas hënës.

Para se të fillojë muaji i agjërimit, myslimanët në mbarë botën përgatiten dhe presin që fillimi i Ramazanit të shpallet nga komiteti saudit për vëzhgimin e hënës ose nga xhamia e tyre lokale.

Ramazani është një pjesë thelbësore e besimit islam. Besohet se në këtë muaj i është shpallur për herë të parë Kurani i Shenjtë Profetit Muhamed (paqja qoftë mbi të).

Si agjërojnë myslimanët?

Agjërimi zgjat nga agimi deri në perëndim të diellit dhe është shenjë përkushtimi ndaj fesë islame. Kjo do të thotë se myslimanët nuk duhet të hanë e të pinë, as ujë.

Shumë myslimanë agjërojnë për të kujtuar veten të jenë të duruar, për të mësuar vetëkontroll dhe për të kuptuar më mirë vuajtjet e njerëzve nëpër botë.

Ramazani është gjithashtu një nga pesë shtyllat e Islamit. Këto shtylla janë praktikat kryesore që myslimanët duhet t'i zbatojnë gjatë jetës së tyre.

Kush përjashtohet nga agjërimi?

Nuk lejohet të agjërojnë personat që vuajnë nga sëmundje fizike ose mendore.

Gjithashtu përjashtohen gratë shtatzëna, ato që ushqejnë fëmijën me gji dhe gratë gjatë ciklit menstrual. Po ashtu edhe udhëtarët dhe fëmijët që nuk kanë arritur ende moshën e pubertetit. / The Independent – Syri.net