Ekspertët po e shikojnë llojin e ri Omicron XBB.1.5 që është quajtur "Kraken"  si faktor për valën tjetër të madhe të COVID, pasi mund t'i shpëtojë lehtësisht testimit ndërsa transmetohet jashtëzakonisht lehtë dhe shpejt.

Grupi teknik këshillimor i Organizatës Botërore të Shëndetësisë për evolucionin e viruseve po punon për rrezikun që mund të paraqesë ky variant i ri, i cili është më ngjitës deri më tani, tha Maria Van Kerkhove, përgjegjëse teknike për përgjigjen ndaj COVID-19 në Organizata Botërore e Shëndetësisë, në një konferencë për shtyp.

OBSH i kërkoi gjithashtu Qendrave Amerikane për Kontrollin dhe Parandalimin e Sëmundjeve (CDC) që të raportojnë mbi rreziqet e variantit të ri, duke pasur parasysh se XBB.1.5 ka "zëvendësuar me shpejtësi variantet e tjera" në disa vende evropiane dhe në verilindje të SHBA sipas asaj që Van Kerkhove deklaroi më pas. 

Ndërkohë, për momentin, ekspertët janë kryesisht të shqetësuar për aftësinë e variantit për t'u përhapur shpejt dhe për të kapërcyer shtamet e tjera të Omicron ndërsa studiuesit po shqyrtojnë nëse XBB.1.5 mund të ketë veti të tjera shqetësuese, si aftësia për të shkaktuar sëmundje më serioze. 

Deri më tani, nuk ka asnjë shenjë për këtë, shtoi Van Kerkhove .

Ajo që dihet, megjithatë, është se XBB.1.5 po vazhdon atë që filloi Omicron, domethënë, "pjelljen" e varianteve që përhapen dhe shmangin imunitetin nga infeksioni dhe vaksinimi i mëparshëm , me lehtësi në rritje. 

Kur dhe ku u zbulua për herë të parë XBB.1.5

Edhe pse vetëm kohët e fundit është përhapur në mbarë botën XBB.1.5 ka qenë rreth e rrotull për një kohë. 

Ajo u identifikua për herë të parë në tetor, sipas OBSH-së.

XBB.1.5 është një rikombinim, ose kombinim, i dy degëve të Omicron BA.2, i njohur si "Omicron i fshehtë" për aftësinë e tij për të prodhuar rezultate të rreme negative në teste të caktuara.

Deri më tani, SHBA ka parë rritjen më të dukshme të variantit të ri. 

Këtë javë, CDC parashikoi se ajo përbën rreth 75% të infeksioneve në rajonet 1 dhe 2, të cilat përfshijnë Connecticut , Maine , Massachusetts , New Hampshire, Rhode Island ,Vermont , Nju Jork , Nju Xhersi , Puerto Riko dhe Ishujt e Virgjër të SHBA. 

Në nivel kombëtar , parashikohej të ishte rreth 40% e rasteve. 

Një rritje e madhe vërehet edhe në disa vende evropiane.

Varianti është raportuar deri më tani në të paktën 25 vende, sipas OBSH-së.