Rreth 20,000 fëmijë të grupmoshës 3-13 vjeç do të marrin pjesë në një kontroll gjaku në ’Mbretërinë e Bashkuar’.
Sipas një studimi të mëparshëm, rreth 400,000 Britanikë kanë imunitet ku trupi i tyre është në gjendje të prodhojë insulinë e cila kontrollon sheqerin në gjak.
Nëse mjekët nuk e kapin këtë problem shëndetësor ose nuk trajtohet në kohë, mund të jetë edhe fatale për njeriun. Po ashtu eksperimentet që mund të bëhen me gjakun mund të vonojnë në marrjen e diagnozës së duhur duke rritur akoma me shumë rrezikun tek fëmija.
Sipas “The Sun” kjo provë do të financohet nga ‘Diabets UK’ dhe do të kryhet nga shkencëtarët e ‘Universitetit të Birminghamit’ të cilët do të përdorin teste gjaku të marra nga gishtat e njeriut për të kontrolluar rrezikun e diabetit tek të rinjtë.
Dr Elizabeth Robertson , drejtoreshë kërkimore në Diabetes UK, tha: “Ne jemi tashmë në epokën që të kapim sa më herët diabetin e tipit 1."
Ky test do të ofrojë njohuri jetike dhe gjithashtu shpresë për të ardhmen e njerëzve që rrezikohen nga diabeti i tipit 1.
Testet që do të realizohen skanojnë mikro qeliza gjaku për auto-antitrupat të cilat shkatërrojnë qelizat vitale dhe që prodhojnë insulinë.
Auto-antitrupat mund të dallohen në gjak disa vite para se të zhvillohet diabeti.
Diabeti i tipit 1 është i pashërueshëm dhe e le trupin të paaftë për të kontrolluar nivelet e sheqerit në gjak dhe si pasojë duhet të injektohet insulinë për ta menaxhuar atë.
© SYRI.net