Ka miliona njerëz në mbarë botën që po luftojnë me presionin e lartë të gjakut, ose hipertensionin. 

Që nga viti 2008, prevalenca e presionit të lartë të gjakut tek të rriturit mbi 25 vjeç ka qenë rreth 40 përqind.

Pyetja më e zakonshme është, a ka ndonjë mënyrë natyrale për të ulur presionin e gjakut? 

Ka ushqime si dhe suplemente për ta ulur atë, por edhe ndryshime në stilin e jetës që mund të adoptoni.

Falë ushqimeve të tilla si ullinjtë dhe farat e lirit, dieta mesdhetare është e pasur me fruta, perime, ushqim deti dhe vajra të shëndetshëm të pasura me acide yndyrore omega-3.

Disa nga ushqimet më të mira që mund të gjeni në dietën mesdhetare janë vaji i ullirit, farat e lirit, salmoni dhe shumë fruta dhe perime, të cilat mund t'ju ndihmojnë të ulni natyrshëm presionin e gjakut.

Suplement i vajit të peshkut (1000-2000 mg në ditë)

Një nga shkaqet kryesore të presionit të lartë të gjakut është inflamacioni në arterie. 

Studime të shumta kanë treguar se konsumimi i vajit të peshkut, i cili është i pasur me forma të acideve yndyrore omega-3 EPA dhe DHA, redukton inflamacionin në trup, transmeton Index.hr.

Pra, marrja e një doze cilësore prej 1000 miligramësh vaj peshku çdo ditë me vakte është një nga mënyrat më të mira natyrale për të ulur presionin e gjakut.

Magnezi

Minerali i magnezit është i shkëlqyer sepse ndihmon në relaksimin e enëve të gjakut dhe mund të ketë një efekt të drejtpërdrejtë në uljen natyrale të presionit të gjakut, dhe shumë njerëz vuajnë nga mungesa e magnezit.

Si fillim, një dozë prej 500 miligramësh në ditë mund të jetë e mjaftueshme për të zgjidhur problemet e presionit të gjakut.

Kaliumi

Ushqimet e pasura me kalium, si avokado dhe pjepri, ndihmojnë në shtypjen e efekteve të natriumit dhe mbrojnë nga hipertensioni. 

Disa nga ushqimet më të mira të pasura me kalium përfshijnë ujin e kokosit dhe bananet. 

Uji i kokosit është një zgjedhje e shkëlqyer nëse dëshironi të pini diçka të ëmbël gjatë ditës.

Një mënyrë tjetër e shijshme për të kapërcyer nivelet potencialisht të ulëta të kaliumit dhe për të ulur natyrshëm presionin e gjakut është përdorimi i ujit të kokosit si një bazë e lëngshme për smoothies në mëngjes.