Dy gra greke kanë kryer vetëvrasje ndërsa një tjetër është gjetur pa jetë pranë bashkëshortit të saj

Diaspora greke në Stamboll është tronditur pas incidenteve të përsëritura javën e fundit sipas medias helene Prothema.gr.

E para ka të bëjë me një 54 vjeçare e cila u hodh nga çatia e një qendre tregtare në Stamboll ku dhe humbi jetën.

Këtë vetëvrasje e pason një tjetër vetëvrasje misterioze.

Një grua serish me origjinë grek hidhet nga ura ndërsa incidenti i tretë ka të bëjë me një tjetër grua e cila u gjet pa ndjenja pranë partnerit të saj të vdekur.

Ajo është shtruar në spital dhe është në kujdesin mjekësor.

E para ka ndodhur rreth një javë më parë, kur një e re me origjinë greke ka tentuar të vrasë veten teksa ngiste makinën. 

E reja e ka kthyer mjetin drejt kangjellave të urës me shpejtësi të madhe. Makina ka goditur parmakët e urës dhe  është penguar. Më pas ajo ka hap derën dhe është hedhur nga ura.

Sipas mediave turke vajza kishte planifikuar vetëvrasjen e saj, pasi më herët kishte vizituar një mikeshë të saj të cilës i kishte lënë qentë për t'u kujdesur për ta. 

Ngjarja e dytë e çuditshme ka ndodhur në zonën e Galatas të Stambollit dy ditë më parë. Një burrë norvegjez dhe një grua greke që ishin çift, kishin marrë me qira një apartament në një pallat në zonën e Galatas në qendër të qytetit.

Çifti është gjetur në shtrat nga pronari i cili po i kërkonte dhe nuk i gjente. Ai hyri me një çelës rezervë dhe i gjeti të shtrirë pa ndjenja në dhomën e gjumit. Ai thirri ambulancën dhe mjekët që mbërritën në banesë konstatuan se norvegjezi kishte vdekur, ndërsa partnerja e tij greke kishte ende puls.

Ajo u transferua menjëherë në një spital në zonën e Fatih Samatya, ku po trajtohet.