Së fundmi ‘Fondacioni Friedrich Naumann për Lirinë’ ka shqyrtuar se sa i madh është ndikimi i propagandës ruse mbi Serbinë dhe mbi popullësinë e saj, shkruan gazeta gjermane Bild.

Autori i studimit Dr. Thomas Brey ka studiuar se Rusia ‘po shpenzon shumë para për të zgjeruar dhe çimentuar ndikimin e saj në Serbi’’.

Qëllimi kryesor i propagandës së Putinit është të pengojë Serbinë të anëtarësohet në BE dhe demonizojë NATO-n, gjë me të cilën vetë sundimtari i Kremlinit  (Vladimir Putin) po merret.

“Putin dhe ministri i tij i Jashtëm Sergei Lavrov kanë përmendur në mënyrë të përsëritur paralele të supozuara me shpërbërjen e Jugosllavisë në përgjithësi dhe Serbisë në veçanti si “justifikim” për luftën e tyre kundër Ukrainës”, thuhet në studim.

Beograd: Një grua mban një foto të Presidentit rus gjatë një proteste kundër autoriteteve serbe që votuan për pezullimin e anëtarësimit të Rusisë në Këshillin e të Drejtave të Njeriut të OKB-së

Për të mbjellë urrejtje, bombardimi i Beogradit nga NATO në 1999 përdoret vazhdimisht për shkak të ndikimit rus në peizazhin mediatik serb - për ta portretizuar atë si një krim kundër popullit serb.

Përveç kësaj, propaganda ruse po qëndron në anën e serbëve në konfliktin e Kosovës, duke u treguar si një partner i mirëkuptueshëm dhe i besueshëm, duke ditur që vetëm pikë plus mund të shënohen në këtë temë emocionale për serbët.

Gazeta serbe “Informer” në faqe të parë: “Ukraina sulmoi Rusinë”

Një numër i madh mediesh serbe miqësore me Rusinë

Studimi përdor shembuj për të treguar se sa dominon linja e Putinit në mediat serbe:

► Një nga mediat më me ndikim është ueb-portali rus “News Front”, i cili transmeton materialet e tij propagandistike nga gadishulli i okupuar i Krimesë në shumë gjuhë - si në gjermanisht ashtu edhe në serbisht.

► Gazeta “Srpski Telegraf”, e cila 'helmon' rregullisht NATO-n, përmendet si “adhuruesja më e zjarrtë e Rusisë”.

Ballina e “Srpski Telegraf” e 25 marsit 2023 – me rastin e përvjetorit të bombardimeve të NATO-s të Serbisë në vitin 1999, zbulohet “sekret më i errët”: “NATO donte të helmonte 700 mijë beogradas”

Portali i lajmeve “Fakti” ka udhëzimin editorial: Serbia dhe Rusia të ndërtojnë një marrëdhënie të veçantë sipas modelit të Izraelit dhe SHBA-së.

► Portali me ndikim “Srbin.info” madje ka rubrikën e tij “Presidenti i Rusisë” me deklarata të Putinit në rusisht

“Kjo listë jo e plotë mund të vazhdohet pothuajse pafundësisht, pasi numri i portaleve të internetit me përmbajtje me origjinë ruse është pothuajse i pallogaritshëm”, thuhet në studim.

Konkluzioni i autorëve të studimit: “Dhjetëra portale pro-ruse dhe antiperëndimore po qarkullojnë në internet. E njëjta gjë vlen edhe për skenën mediatike analoge: Me shumë pak përjashtime, mediat më të njohura të vendit po përhapin pozicione rusofile dhe po demonizojnë SHBA-në, BE-në dhe NATO-n.

Një nga figurat më të shquara gazetareske të skenës antiperëndimore është Dragan Vuçiçeviç – pronar dhe kryeredaktor i tabloidit “Informer” dhe sipas presidentit serb gazetari i tij i preferuar.

► Axhenda e tij: Në raportimin e politikës së jashtme, “lavdërimi i Rusisë në përgjithësi dhe i Putinit në veçanti është prioriteti kryesor”.

Kryeredaktori Dragan Vuçiçeviç

Kremlin TV në Serbi: Kanali "Sputnik Srbija" u themelua në vitin 2015 në Beograd. Redaktorët e marrin rrogën e tyre të majme direkt nga Moska.

Kryeredaktorja është Ljubinka Milincic, e cila ishte korrespondente e shumë mediave serbe në Moskë nga viti 2002 deri në 2015 dhe është një “adhuruese e zjarrtë” e Putinit.

Kështu funksionon propaganda

► Nuk ka ndarje të mesazhit dhe komentit.

► Ballafaqimi me burimet është sipërfaqësor dhe i synuar.

► Gjithmonë ka një politikan të dorës së katërt, një sportist pa përvojë, një historian të instrumentalizuar nga rreshti i dytë etj. që thotë atë që kërkohet.

► Përqendrimi në ngjarje individuale në vend të peshave të rënda tematike që përshkruhen pa kontekst.

► Identifikimi i ngjashmërive ruso-serbe deri në gjoja vëllazëri.

► Moralizimi i çështjeve: Rusia dhe Serbia përforcojnë rolin e tyre si viktima, ndër të tjera. Të dy vendet ndihen të trajtuara në mënyrë të padrejtë nga pjesa tjetër e botës. Moska dhe Beogradi e shohin veten si një mburojë kundër zeitgeistit që po shkatërron të gjitha vlerat.

► Glorifikimi i Putinit si një udhëheqës shtetëror ideal-tipik dhe model për politikanët kryesorë serbë.

► Përpjekje për të vërtetuar se bashkëpunimi i ngushtë ekonomik dhe politik me Rusinë është më i dobishëm për shtetet pasardhëse të ish-Jugosllavisë sesa bashkëpunimi me “Perëndimin”.