Serbët në Kosovë po ndërgjegjësohen gjithnjë e më shumë se Lista Serbe i ka tradhtuar dhe se ajo vite me radhë ka punuar kundër atyre qytetarëve, ka theksuar nënkryetari i Partisë Popullore dhe deputeti Mirosllav Aleksiç në parlamentin serb.

Aleksiç është shprehur se serbët në Kosovë po ashtu janë të zemëruar me regjimin e Beogradit.

“Janë të zemëruar me Listën Serbe dhe mua më duket se gjithnjë e më shumë prej tyre janë të zemëruar si me Aleksandar Vuçiçin ashtu edhe me regjimin në Beograd. Ata e ndjejnë se janë tradhtuar, të lënë pas dore. Këtë e kam dëgjuar në rrugë, në barrikada, nga profesorët, pensionistët, nga të gjithë”, ka thënë ai.