Një zjarr në një qytet në Serbinë jugperëndimore ka vrarë katër fëmijë dhe ka plagosur prindërit e tyre, tha policia të dielën.

Zjarri shpërtheu rreth orës 7 të mëngjesit në një nga apartamentet në një ndërtesë banimi në Novi Pazar, rreth 200 kilometra në jugperëndim të Beogradit.

Policia tha se zjarrfikësit erdhën në vendngjarje brenda pak minutash pasi u njoftuan, por banesa tashmë ishte përfshirë nga zjarri.

Zjarrfikësit gjetën të gjithë fëmijët në një dhomë. Ata me sa duket vdiqën nga helmimi me monoksid karboni, thuhet në një deklaratë.

Prindërit ishin në një dhomë tjetër dhe janë shtruar në spital, tha policia. Gazeta Novosti raportoi se ata pësuan djegie të rënda. Nuk dihet menjëherë se çfarë e shkaktoi zjarrin.