Greqia është e gatshme t'i "zgjatë dorën e miqësisë" Turqisë, thotë kryeministri grek Kyriakos Mitsotakis, ndërsa akuzon gjithashtu presidentin e Turqisë për nxitjen e ndjenjave anti-greke në vend.

Tensionet janë përshkallëzuar mes dy aleatëve të NATO-s, të cilët janë të ndarë për një sërë çështjesh dhe kanë ardhur në prag të luftës tre herë në 50 vitet e fundit.

"Dëshira ime është që, edhe me vonesë, fqinjët tanë të zgjedhin rrugën e de-përshkallëzimit, të ligjshmërisë, të bashkëjetesës paqësore pa shpërthime retorike, por me veprime konstruktive”, tha Mitsotakis të enjten pas takimit me kancelarin gjerman Olaf Scholz në Athinë.