Oleksiy Goncharenko, deputet në Parlamentin ukrainas dhe anëtar i delegacionit të Ukrainës në Asamblenë Parlamentare të Këshillit të Europës ka reaguar pas tensioneve në veri të Kosovës. Përmes një postimi në Twitter, Goncharenko  shkruan se Ukraina duhet t’i mbrojë kosovarët “nëse Serbia pushton Kosovën.”

If Serbia invades #Kosovo, we should defend the Kosovars. 🇺🇦 is ready to act with our troops on the ground. 🇷🇸 is trying to start an aggressive war. Precisely according to Putin's method. As I said, #Serbia is Putin's Trojan horse in Europe. War anywhere in the world is terrible.

— Oleksiy Goncharenko (@GoncharenkoUa) July 31, 2022

“Nëse Serbia pushton Kosovën, ne duhet të mbrojmë kosovarët. Ukraina është gati të veprojë me trupat tona në terren. Serbia po përpiqet të nisë një luftë agresive. Pikërisht sipas metodës së Putinit. Siç thashë, Serbia është kali i Trojës i Putinit në Europë. Lufta kudo në botë është e tmerrshme”, ka shkruar Goncharenko.

Deputeti thekson se realiteti në të cilin po jeton Ukraina prej 5 muajsh ka ardhur në Kosovë, duke ju referuar luftës së nisur nga Vladimir Putin në territorin Ukrainas.

“Realiteti në të cilin jeton e gjithë Ukraina prej 5 muajsh erdhi në Kosovë . Ne e dimë se si është të jetosh kështu. Ne donim që bota të ndalonte luftërat, jo t’i fillonte ato. Bota më në fund duhet të kuptojë se Rusia, Putini dhe të gjithë “aleatët” e tyre janë shkaku i konflikteve dhe luftërave”, përfundon ai.

The reality in which all of #Ukraine lives for 5 months came to #Kosovo. We know what it's like to live like this. We wanted the world to stop wars, not start them. The world must finally understand that #Russia, #Putin and all their "allies" are the cause of conflicts and wars. pic.twitter.com/VNeNZx0p8h

— Oleksiy Goncharenko (@GoncharenkoUa) July 31, 2022