Partia Demokratike në Vlorë Thirrje për Protestën e Opozitës Ditën e Hënë

Partia Demokratike në Vlorë i ka bërë thirrje qytetarëve që të bëhen pjesë e protestës së opozitës ditën e hënë. Në një deklaratë për mediat, sekretarja e kësaj force politike në qytetin bregdetar, Eralba Kreshpa, shprehet se durimi i qytetarëve ka marrë fund dhe është koha që ata të ngrihen për të mbrojtur lirinë dhe të drejtat e tyre.

Kreshpa theksoi se është momenti për të kërkuar përgjegjësi nga ata që kanë shkatërruar sistemin demokratik dhe që po dëmtojnë të ardhmen e Shqipërisë. Ajo u bëri thirrje qytetarëve të mblidhen në protestën e caktuar, për të treguar bashkërisht forcën dhe vullnetin për ndryshim.