Kryetari i Partisë Demokratike Sali Berisha e cilësoi si ndërhyrje të gabuar, propozimin e kryeministrit Edi Rama për draft- Asociacionin, duke thënë se Shqipëria nuk duhet të përzihet në dialogun Prishtinë-Beograd. Nga foltorja e Kuvendit, Berisha denoncoi planin mes Ramës dhe Vuçiç, që sipas tij, ka në qendër vetëm ndarjen e Kosovës.
Nga SYRI TV
Kryetari i Partisë Demokratike Sali Berisha, i cilësoi zhvillimet e fundit në Kosovë, si pjesë e një plani të Presidentit serb Aleksandër Vuçic dhe Kryeministrit Edi Rama, që synojnë ndarjen e Kosovës. Nga foltorja e Kuvendit, lideri i opozitës bëri një historik të zhvillimeve që solli vizita e Kryeministrit Edi Rama në Beograd në vitin 2014, që nga plani për rishikimin e kufijve e deri te nisma për “Ballkanin e Hapur”.
Berisha e cilësoi të gabuar ndërhyrjen e Kryeministri Edi Rama, i cili në inicitiativë personale dhe të pakërkuar u ka propozuar ndërkombëtarëve, një draft-Asociacion për komunat serbe.
Por sipas liderit të opozitës, këtë herë angazhimi i Kryeministrit në Dialogun Prishtinë - Beograd lidhet me shqetësimin personal të Edi Ramës, pas përfshirjes në skandalin e ish-zyrtarit të lartë të FBI-së, Charles Mcgonigal.
Kreu i demokratëve beson se është kjo çështja, që prej muajsh, i ka prishur gjumin, Kryeministrit.
© SYRI.net