Një klub librash me qendër në Kaliforni ka përfunduar së fundmi leximin e tij të parë të "Zgjimi i Fineganit" të Xhejms Xhojsit, një libër jashtëzakonisht i vështirë që filluan ta lexonin 28 vjet më parë.

Xhejms Xhojsi dikur tha se kërkesa që ai i bën lexuesit të tij është që  "duhet t'ia kushtojë tërë jetën e tij leximit të veprave të mia" dhe disa njerëz në fakt i morën ato fjalë për zemër.

Për shembull, anëtarët e një klubi librash në Kaliforni kanë kaluar 28 vitet e fundit të jetës së tyre duke deshifruar faqe pas faqeje “Zgjimin e Fineganit” duke u përpjekjekur të kuptojnë misteret e tij të shumta.

Ky është një libër kaq i vështirë për t'u lexuar sa askush nuk mund të thotë me të vërtetë se “e kap”, gjë që e bën atë të përsosur për lexim në komunitet.

Me sa duket është shkruar në një përzierje të ndërlikuar fjalësh, lojërash fjalësh dhe aludimesh të rishpikura, duke iu referuar rreth 80 gjuhëve, dhe njerëzit as nuk mund ta ndajnë mendjen se ku është i vendosur libri ose cilët janë personazhet.

"Gjatë një takimi, unë kam 30 skeda të ndryshme të Wikipedia hapur," tha 38-vjeçari Peter Quadrino, një anëtar i grupit të leximit të Gerry Fialka.

“Gjithmonë jam duke mësuar për ndonjë figurë të re historike, ngjarje ose ndonjë poet. Me të vërtetë më duket sikur truri im sapo bëri një dush. Është kaq freskuese.”

Grupi i leximit të Gerry Fialka lexoi faqen e fundit të librit prej 628 faqesh të Xhojsit në tetor, por kjo shënoi vetëm fundin e leximit të tyre të parë, jo fundin për klubin e librit. Dhe ata nuk planifikojnë të kalojnë në një libër tjetër. Ky është një klub libri “Zgjimi i Fineganit”dhe anëtarët e tij planifikojnë ta mbajnë atë në këtë mënyrë./ar.sh/SYRI.NET