Në vitin 2021, një studim i botuar në “Science” shkaktoi një sensacion midis paleontologëve dhe arkeologëve që punojnë për migrimin, sepse tregoi që njeriu kishte mbërritur fillimisht në kontinentin amerikan disa mijëra vjet më herët nga sa mendonim. Studimi përshkroi një grup gjurmësh njerëzore dhe njoftoi se ato datonin 23,000 vjet më parë falë analizës së farave të gjetura së bashku me gjurmët e këmbëve të paraardhësve tanë. Megjithatë, metoda u kritikua nga një pjesë e komunitetit shkencor si shumë e pasaktë.

Sot, i njëjti ekip që zbuloi dhe datoi mbetjet dy vjet më parë publikon një studim të ri në “Science” që shton prova të mëtejshme në përfundimet e tyre të para, duke dhënë konfirmimin përfundimtar se njerëzit mbërritën në kontinentin amerikan shumë më herët nga sa ne besonim, domethënë 13 ose 14,000 vjet më parë, pas akullnajave të fundit.

Sipas kësaj hipoteze, paraardhësit tanë, për të mbërritur në kontinentin amerikan, do të kishin shfrytëzuar uljen e deteve për shkak të akullnajave për të arritur në zonat e Arktikut dhe më pas do të prisnin shkrirjen e mbulesave të akullit për të lëvizur në jug.

Hipoteza me sa duket është hedhur nga zbulimi i vitit 2021, i cili i daton gjurmët 23,000 vjet më parë, por me një kufi, farat e përdorura për të përcaktuar moshën e gjurmëve i përkasin një bime ujore, Ruppia cirrhosa, e cila mund të ketë thithur karbonin e tretur në ujë, duke “falsifikuar” datimin. Prandaj, ekipi që zbuloi gjurmët njerëzore dy vjet më parë, ka punuar për të sjellë më shumë prova.

Kokrrat e polenit (rreth 75,000, të zgjedhura një nga një) të bllokuara në shkëmb së bashku me gjurmët dhe farat rezultuan të jenë vendimtare. Poleni nuk paraqet rrezik të datimit të rremë. Studimi i tyre konfirmoi numrat e marrë nga analiza e farave. Jo vetëm kaq por bëhet fjalë për ne polen nga bimët që rriteshin në kushte të ftohta dhe të lagështa, shumë të ndryshme nga ato aktuale në zonën e Ëhite Sands të Nju Meksikos, të cilat janë në vend të shkretëtirës. Prova e tretë më në fund erdhi nga studimi i kristaleve të kuarcit të pranishëm në shkëmb, të datuar gjithashtu midis 21,000 dhe 23,000 vjet më parë.

Tani kemi sigurinë se njeriu mbërriti në Amerikë të paktën 7000 vjet më herët nga sa mendonim, dhe ne duhet të fillojmë të rishkruajmë historinë e migrimeve tona.