Aksidentohen dy makina në Laç, të plagosurit dërgohen me urgjencë në Tiranë

Një aksident rrugor është regjistruar pak minuta më parë në qendër të Laç, pranë godinës së bashkisë.

Sipas informacioneve paraprake, dy automjete janë përplasur me njëra-tjetrën, duke shkaktuar plagosjen e dy personave. Të lënduarit janë transportuar me urgjencë drejt Tiranës për të marrë ndihmë mjekësore më të specializuar.

Shkaqet e aksidentit nuk janë bërë ende të ditura, ndërsa policia ndodhet në vendngjarje dhe po punon për zbardhjen e plotë të rrethanave.

Kurbin/Informacion paraprak

Rreth orës 17:00, në qytetin e Laçit, një automjet me drejtues shtetasin B. N. është përplasur me një automjet tjetër me drejtues shtetasin A. P.

Si pasojë e aksidentit, drejtuesi i mjetit, shtetasi A. P., dhe dy pasagjerët që ndodheshin me të janë dërguar në Spitalin e Traumës në Tiranë për ndihmë mjekësore më të specializuar. Paraprakisht, ndodhen jashtë rrezikut për jetën.

Grupi hetimor ndodhet në vendngjarje dhe po punon për zbardhjen e shkaqeve të aksidentit.