U arrestuan me dhunë nga policia, Gjykata liron 6 protestues

U zhvillua në Gjykatën e Tiranës, në Dhomën penale seanca e masës për protestuesit e arrestuar dhunshëm nga policia gjatë protestës së opozitës me 17 prill. 

Avokatet mbrojtës të protestuesve kërkuan përjashtimin e gjykatësit Enkel Peza.
Ndërkohë që prokuroria ka kërkuar në pretencën e saj, 5 arreste me burg, 2 arreste shtëpie dhe 4 detyrime paraqitje. në përfundim, Gjykata vendosi të lirojë nga burgu gjashtë nga të arrestuarit, ndërsa 5 të tjerë janë lënë në burg.

Kërkesa e Prokurorisë: 
Arrest me burg:

1. Kelmend Çuçka
2. ⁠Bujar Tusha
3. ⁠Henri Shapllo
4. ⁠Mirvet Toçilla
5. ⁠Sem Bici

Arrest në shtëpi:

1. Bardhyl Ndou
2. ⁠Sokol Bajraktari

Detyrim paraqitje:

1. Igball Domi
2. ⁠Gentian Tuga
3. ⁠Ernest Kapo
4. ⁠Edison Shyti

U bë me dije se njëri nga protestuesit e ndaluar është në spital dhe po i merret një letër përfaqësimi me shkrim dore. Henri Shapllo ka që nga ndalimi që është në spital pasi është dhunuar nga forcat e policisë.
Mësohet se kërkesa për përjashtimin e gjyqtarit është rrëzuar nga gjykatesi Dritan Halluni.