Reshjet e ditëve të fundit kanë sjellë probleme të shumta në fshatin Arrëz e Madhe në Tepelenë, sa i përket furnizimit me energji elektrike.

Banorët e fshatit Arrëz e Madhe, Njësia administrative Luftinjë, Bashkia Memaliaj i kthehen mesjetës.

Prej 6 ditësh banorët janë pa energji elektrike, duke iu vështirësuar kështu jetesën dhe  duke u shkaktuar dëme në produktet e bulmetit.

Linjat e energjisë elektrike, siç shihen dhe nga fotot e siguruar nga korrespondentët e Syri,  janë të amortizuara, ndërsa OSHEE nuk ka asnjë reagim lidhur me situatën.