Një 41-vjeçar i shpallur në kërkim ndërkombëtar nga autoritetet spanjolle është kapur këtë të hënë në fshatin Papër të Elbasanit.
Ai akuzohet për veprat penale “Kultivimi i bimëve narkotike” dhe “Vjedhja e energjisë elektrike”.
Sipas njoftimit zyrtar, pritet ekstradimi i 41-vjeçarit drejt Spanjës.
“Shërbimet e Policisë Rrugore, në bashkëpunim me specialistët e Seksionit për Hetimin e Trafiqeve dhe Narkotikëve, të DVP Elbasan, bazuar në informacionet e shkëmbyera me Interpol Tiranën, kapën në rrugën e fshatit Papër, ndërkohë që qarkullonte me automjet, dhe arrestuan shtetasin E. B., 41 vjeç.
Ky shtetas ishte shpallur në kërkim ndërkombëtar pasi Gjykata e Sabadellit, Spanjë, më datë 30.06.2025, ka lëshuar urdhër arresti, për veprat penale “Kultivimi i bimëve narkotike” dhe “Vjedhja e energjisë elektrike”.
Interpol Tirana, në bashkëpunim me homologët në Spanjë, do të kryejë procedurat për ekstradimin e shtetasit E. B”, thuhet në njoftim.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Pesë të arrestuarit për Masakrën e 'Reçakut II' ishin pjesëtarë të MPB-së serbe
VIDEO - Zjarr në në një pikë inertesh, digjen goma, tymi i zi pushton Vlorën
VIDEO - Nuk shkonin dot të burimi i ujit/ Banorët e Dardhës në Librazhad rrëzojnë gardhin rrethues