Një 27-vjeçar është dërguar me urgjencë në gjendje kritike në Spitalin Rajonal të Korçës pas një konflikti që ka degraduar në përdorimin e thikës.

I plagosuri mësohet të jetë shtetasi Ari Kodra, i cili raportohet se ka pësuar plagë të thella dhe ndodhet aktualisht në reanimacion nën kujdesin e mjekëve.

Ngjarja ka ndodhur në fshatin Dvoran, ndërsa rrethanat e sakta të konfliktit janë ende të paqarta.

Policia ndodhet në vendngjarje dhe ka nisur hetimet për zbardhjen e plotë të ngjarjes.

Autoritetet pritet të japin më shumë detaje në vijim.